Almaty metrosynda qaýipsizdik sharalary kúsheıtildi
ALMATY. QazAqparat - Sankt-Peterbor metropolıtenindegi jarylystan keıin Almaty metrosynda jolaýshylardy tekserý-baqylaý sharalaryn kúsheıtti, dep habarlaıdy QazAqparat tilshisi.
3 sáýir kúni keshke bastalǵan jolaýshylardy tekserý sharalary qazirgi ýaqytta toqtatylǵan joq. «Almaty metropolıteni» KMK baspasóz qyzmetiniń habarlaýynsha, qaýipsizdik sharasy aıasynda eń birinshi kezekte baqylaý jumystary kúsheıtilgen. Bul baǵytta ІІB-men birlesken uıymdastyrýshylyq sharalary júrgizilip jatyr.
«Metallizdeýshi, rentgen-televızııalyq ótkizbe jolymen jabdyqtalǵan arnaıy apparat arqasynda barlyq jolaýshy baqylaýdan ótedi. Jolaýshylarǵa qaýipsizdik sharalaryna túsinistikpen qaraý suraldy. Baqylaý sharalarynyń kúsheıtilýi jolaýshylardyń poıyzdarǵa ótý ýaqytyna kedergi keltirmeýi kerek. Sebebi, qaýipsizdik sharalary turaqty túrde júrgizilip otyrady», - dedi metronyń baspasóz qyzmetinen.
Eske sala keteıik, 3 sáýir kúni Sankt-Peterbýrg metropolıteninde «Sennaıa ploşad» jáne «Tehnologıcheskıı ınstıtýt-2» stantsııalary arasynda jarylys bolyp, 11 adam qaza tapty, 50 adam japa shekti.
