Almaty metrosy jolaýshylardy kúmbirlegen kúımen qarsy aldy

ALMATY. QazAqparat - Almaty metrosynyń jolaýshylary tosyn syıǵa tap boldy. Tańerteń jumysyna asyqqan jolaýshylar poıyzǵa kirgende kontsert zalyna engendeı kúı keshti, dep habarlaıdy QazAqparat tilshisi.

Qalalyq Metropolıten AQ baspasóz hatshysy Anna Merzlıakovanyń aıtýynsha, jolaýshylar mundaı tosyn syıǵa rızalyq bildirip, qoshemet kórsetti.

Kópshiligi vıdeoǵa túsirip, áleýmettik jelige taratty.

«Naýryz merekesi qarsańynda Qurmanǵazy atyndaǵy Qazaq Ulttyq konservatorııasynyń stýdentteri metro jolaýshylaryn án men kúıge bóledi. Shaǵyn kontsert poıyz ishinde birinshi aıaldamadan sońǵy aıaldamaǵa deıin boldy. Stýdentter Qurmanǵazynyń «Adaı», «Balbyraýyn» kúılerin, halyq ánderin shyrqap, «Karmen» operasynan partııa oryndady. Mundaı aktsııa 7 naýryzda da uıymdastyrylǵan bolatyn. Metro jolaýshylary mundaı óner qoıylymdaryn óte qoshemetpen qabyldady», - dedi Anna Merzlıakova.