Almaty metrosy táýelsizdiktiń 20 jyldyǵy qarsańynda paıdalanýǵa beriledi - A.Esimov
LMATY. Qazannyń 21-i. QazAqparat /Erbol Azanbek/ - Almaty metrosynyń qurylysy belgilengen kestege sáıkes júrgizilýde. Bul týraly búgin metrodaǵy relsterdiń sapasyn tekserip kórgen qala ákimi Ahmetjan Esimov aıtty.
«Baıqońyr» stansysynan basqa barlyq stansylardyń qurylysy bıyl aıaqtalady. «Baıqońyr» kelesi jyldyń alǵashqy toqsanynda iske qosylady. Bıylǵy jyly stansylarǵa eskalatorlar ornatylyp, ishki árleý jumystary tolyq aıaqtalady. Órt qaýipsizdigi, avtomattandyrý men dabyl jelisine qatysty jabdyqtardyń barlyǵy satyp alynady. Bul rette bizge Elbasy qoldaý bildirdi, Parlamenttiń sońǵy sessııasynda Respýblıkalyq bıýdjetke ózgerister engizildi. Bunyń nátıjesinde bizge 10,5 mıllıard teńge bólindi. Bıýdjet jospary boıynsha kelesi jyly 24 mıllıard teńge bólinedi. Bunyń bári bizge metrony táýelsizdiktiń 20 jyldyǵy qarsańynda paıdalanýǵa berýge múmkindik jasaıdy», - dedi ákim.
«Sondyqtan qajetti qarjy bar, qurylys kestege saı júrgizilip jatyr dep aıta alamyn»,- dedi A.Esimov.
