Almaty metrosy: «Qalqaman» stansasynyń jańa kelbeti qandaı bolmaq
ALMATY. QazAqparat - Almaty metrosynyń «Qalqaman» stansasy men Zapadnyı avtovokzalynyń bolashaqtaǵy kelbeti qandaı bolatyny belgili boldy, dep habarlaıdy QazAqparat tilshisi.
«Metroproekt» JShS bas ınjeneri Pavel Moskovchýktiń aıtýynsha, metropolıtenniń qurylysy «Zapadnyı» avtovokzalymen biriktirilmek.
«Jeli trassasy Qalqaman stansasy salynyp jatqan Áshimov kóshesiniń astymen ótedi. Raıymbek batyr kóshesinen tómen kólik toraby salynady. Osylaısha biz vokzal men metropolıtendi biriktiremiz. Bul kólik toraby bolady. Oǵan jerasty turaqtary kiredi. ıAǵnı, batys jaqtan keletin kólikterge biz tańdaý múmkindigin beremiz. Olar kólikterin sol jerde qaldyryp, ary qaraı qalaǵa metromen kirse bolady», - dedi ol.
Aıta ketý kerek, vokzal 14,7 ga terrıtorııada ornalaspaq. 1000-ǵa jýyq kólik syıatyn avtoturaq jasalady. Bolashaqta kólemi budan da artýy múmkin.
Qazir Almatyda 9 metrostansasy jumys istep tur. Sonymen qatar Saryarqa, Dostyq stansalary salynyp jatyr. Birinshi jeliniń uzyndyǵy 3,1 shaqyrymǵa uzarmaq.
