Almaty metropolıteniniń salynyp jatqan jelisiniń oń jaq tonneli tesildi
ASTANA. 2 qarasha. QazAqparat - Keshe «Almatymetrokýrylys» AQ-y metropolıtenniń salynyp jatqan ekinshi kezeginiń №122 ventılıatsııalyq kesheniniń oń jaq tonnelin tesip ótti. Bul sharaǵa Almaty qalasy ákiminiń orynbasary Bolat Saýranbaev qatysty.
Bul týraly qala ákiminiń baspasóz qyzmetinen habarlady.
Bul tonneldiń qurylysyn tesip ótetin KPŞ 12 keshenderi júrgizýde.Tesip ótý 11 metrlik tereńdikte júzege asyp, salynyp jatqan « Máskeý» jáne «Saıran» stansalarynyń ortasyn bóldi. Bul jumys tolyq aıaqtalǵan soń ınjenerlik kommýnıkatsııalar tartylyp, joldyń joǵarǵy betindegi qurylystar jalǵasatyn bolady.
«Saıran» stansasynyń jumysy kestege saı júrgizilýde. Oń jaqtaǵy ótkizý kanalyna biz eki tonneldi-şıt ótkizgish keshenin ornattyq. Ótkizý kanalynyń oń jaq qaptalynan «Saıran»stansasynan «Máskeý» stansasyna deıin 170 m. qaldy. Biz jyl aıaǵyna deıin osy eki stansanyń eki monolıtti bóliginiń qurylysyn aıaqtaıtyn bolamyz», - dedi Bolat Saýranbaev.
«Almatymetrokýrylys» Saıran jáne Máskeý stansalarynyń qurylystary engen uzyndyǵy 2.74 km bolatyn qurylys jumysyn atqarýda. «Alataý» stansasynan «Saıran» stansasyna deıin 1847 m. jumys atqaryldy, sol jaǵyndaǵysynyń uzyndyǵy - 1508 m.
«Máskeý» stansasyndaǵy tesý jumystary keler jyly bastalady. Jalpy tesip ótý jumystary Herenkneht kesheni arqyly júrýde. Tesý 2014 jyldyń alǵashqy toqsanynda júzege aspaq.
«Saıran» stansasy Abaı dańǵyly, Brýsılovskıı, Tilendıev kósheleriniń astyna, al «Máskeý» stansasy Abaı dańǵyly, Ótegen batyr jáne Altynsarın kósheleriniń astynda. Qazir bularda monolıtti temirbeton konstrýktsııalar ornatylýda.
