Almaty metropolıteninen ıadrolyq jarylystan qorǵaný oryndaryn salýdyń qajeti shamaly - J. Tóregeldınov
ANA. 17 naýryz. QazAqparat /Qanat Mámetqazyuly/ - Almaty metropolıteninen ıadrolyq jarylystan qorǵaný oryndaryn salýdyń qajeti shamaly.
Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan depýtat Jumabek Tóregeldınov osylaı málim etti.
«Qazirgi ýaqytta Almaty metropolıteniniń ekinshi kezeńin jobalaý jumystary júrgizilip jatyr. Alaıda bundaǵy qurylys normalary men erejeleri 70 jyldary belgilengen eken. Bul jyldary metro qurylysy boıynsha ıadrolyq bombylaýdan qorǵanys oryndarynyń jobalary da qosa eseptelgen. Sondyqtan da, bul erejemen júretin bolsaq metro qurylysy taǵy da 20 paıyzǵa artýy múmkin», - deıdi J. Tóregeldınov. Osyǵan oraı, Senat depýtattary álgindeı ıadrolyq jarylystan qorǵaný oryndaryn salýdyń qajettigine shúbá keltiredi. «Qazirgi álemdegi geosaıası jaǵdaıdy, elimizdiń áskerı doktrınasyn salmaqtasaq metropolıten aıasynan ıadrolyq bombalaýdan qorǵanys oryndaryn salýdyń eshqandaı da qajet bolmaıtynyna kóz jetedi. Dese de, bul jerde jer silkinisi sekildi tabıǵı tehnogendik sıpattaǵy qaterlerden qorǵanystardy esten shyǵarmaǵan lázim», - deıdi senator.
