Almaty metropolıteninde oqý ortalyǵy quryldy
MATY. 14 qarasha. QazAqparat /Názıra Eleýhan/ - Almatyda metro qyzmetkerlerin daıyndap oqytý men biliktilikterin arttyrý maqsatynda arnaıy oqý ortalyǵy quryldy.
«Metropolıten» QMK-nyń quramyna kiretin oqý ortalyǵynyń negizgi maqsaty metro qyzmetkerlerin kásibı daıyndyqtan ótkizý, biliktiligin kóterý, qaıta daıyndaý, jańadan ornalasqan qyzmetkerlerdi metro jumysyna úıretý bolyp tabylady.
Ortalyqta Ońtústik Koreıa men TMD elderinde tájirıbeden ótken óz elimizdiń mamandary dáris beretin bolady.
Ortalyq oqý synyptary bilim alýǵa qajetti arnaıy zamanaýı tehnıkalyq qural-jabdyqtarmen jabdyqtalǵan. Munda sondaı-aq mashınısterdi oqytýǵa arnalǵan oqý kesheni bar. Keshen jobasyn jasaýǵa óz elimizdiń jáne Ýkraına eliniń ǵylymı-óndiristik uıymdary jumyldyrylǵan.
Qazirgi ýaqytta iriktelip alynǵan bolashaq metro qyzmetkerleri ortalyqta bilimderin alýda.
Esterińizge sala ketsek, Almaty metropolıteniniń birinshi kezegi el táýelsizdiginiń 20 jyldyǵyna oraı 1 jeltoqsanda paıdalanýǵa beriletin bolady. Bul joldyń uzyndyǵy - 8,56 shaqyrym, oǵan jeti stansa kiredi.
