Almaty metropolıteni jeltoqsan aıynda 20 mıllıonynshy jolaýshysyn qabyldaıdy
«Almaty metrosynda jolaýshylar legi jyl sanap, kóbeıip keledi. Alǵashqy jyldary metro qyzmetin paıdalanǵan jolaýshylardyń sany táýligine 13-14 myńdaı bolsa, qazir olardyń sany táýligine 24 myńǵa jetip otyr. Endi osy jeltoqsan aıynyń úshinshi onkúndiginde 20 mıllıonynshy jolaýshy metro qyzmetin paıdalanady dep kútilýde. Al jańadan salynyp jatqan «Saıran» jáne «Máskeý» metrostansalary iske qosylǵan soń, mamandardyń esepteýinshe, jolaýshylar sany eki esege jýyq ulǵaıady. Óıtkeni, halyq tyǵyz ornalasqan Abaı dańǵyly men Y. Altynsarın kóshesi mańyndaǵy yqshamaýdandardyń turǵyndary da metro qyzmetin paıdalanýǵa qol jetkizedi», - dedi Ahmetjan Esimov.
Sonymen qatar, qala basshysy «Saıran» jáne «Máskeý» eki metrostansalarynyń qurylysy osy aıda tolyq aıaqtalatyndyǵyn jetkizdi. Sózi dáleldi bolý úshin, Ahmetjan Esimov jýrnalıster qaýymymen birge metro poıyzy arqyly tuńǵysh ret jańadan salynyp jatqan eki stansany kezek-kezek aralap, ondaǵy istelinip jatqan jumystarmen tanysty. Bir aıta ketetin jáıt, bul stansalardyń buǵan deıingi stansalardan bir ereksheligi, olar shaǵyndaý jáne qosqabatty bolyp kelgen. ıAǵnı, jolaýshylar kádimgi temirjol beketterindegi sekildi, poıyzdy ekinshi qabatta otyryp ta tosa alady.
Qala basshysy óz sózinde atqarylyp jatqan jumystarǵa kóńili tolatyndyǵyn jáne olardyń jumys kestesinen aýytqymaı, der kezinde júrgizilip jatqandyǵyn aıtty.
«Biz osy eki stansany aralap kórdik. Ekeýinde de qurylys jumystary osy aıdyń ishinde tolyǵymen aıaqtalady. Sodan, synaq jumystary bastalady. Stansalar osy synaq jumystarynyń aıaqtalýyna qaraı, birtindep qoldanysqa beriletin bolady. Bul jerde asyǵystyq tanytýǵa bolmaıdy. Óıtkeni metro - erekshe transport. Sondyqtan, eń bastysy jolaýshylardyń qaýipsizdigi tolǵymen qamtamasyz etilýi tıis», - dedi A. Esimov.
Aıta ketelik, Almaty metropolıteni óziniń 20 mıllıonynshy jolaýshysyna qymbat baǵaly syılyqtar ázirleýde.
