«Almaty metropolıteni» jańa basshynyń taǵaıyndalýyn kútip otyr
ALMATY. QazAqparat - «Almaty metropolıteni» jańa basshynyń taǵaıyndalýyn kútip otyr, dep habarlaıdy «QazAqparat» tilshisi.
«Almaty metropolıteni» KMK baspasóz qyzmeti mekemeniń jańa basshynyń kútip otyrǵanyn rastady. Kásiporynnyń buǵan deıingi dırektory óz erkimen jumysynan ketken. Qazirgi ýaqytta mekemege dırektordyń qarjy jáne ekonomıka máseleleri boıynsha orynbasary Qýanysh Qantaev ýaqytsha basshylyq etip otyr.
«Burynǵy basshy Nurlan Muhanovpen eńbeksharty 2017 jyldyń 20 qarashasy kúni qyzmetkerdiń ótinishi negizinde buzyldy», - deıdi kásiporynnyń baspasóz qyzmeti.
Sodan beri «Almaty metropolıtenine» jańa basshy taǵaıyndalmaǵan. Alaıda, metro saıtynda resmı túrde basshy retinde áli de Nurlan Muqanov kórsetilgen. Mekemeniń baspasóz qyzmeti jańa basshy taǵaıyndalǵanda ǵana saıttyń bul bólimi jańartylatynyn jetkizdi.
«Jańa basshy taǵaıyndalmaǵandyqtan saıttaǵy ol bólim áli jańarǵan joq. Bizde dırektordyń orynbasary ýaqytsha mindetti oryndaýshy bolyp otyr. Biz jańa basshynyń taǵaıyndalýyn kútip otyrmyz. Onyń qashan taǵaıyndalatyny ázirge belgisiz», - dedi «Almaty metropolıteniniń» baspasóz qyzmeti.
