Almaty metropolıteni zaǵıp jandar úshin arnaıy saıt ashty
ALMATY. QazAqparat - Almaty metropolıteni zaǵıp jandar úshin arnaıy saıt ashty. Bul týraly «Metropolıten» MKK baspasóz qyzmeti habarlady.
Atalǵan ınternet resýrsta aqparat múmkindigi shekteýli jandarǵa anyq ári jeńil kórinetindeı ornalastyrylǵan.
«Endi zaǵıp jandar metro jańalyqtaryn, poıyzdardyń júrý kestelerin baqylap, dırektorǵa suraq jibere alady. Arnaıy redaktor bóliminde shrıfterdiń úlkendigin, artqy fondy aýystyrýǵa bolady. Osylaısha olar ózine yńǵaıly etip jasaı alady. www.metroalmaty.kz saıtyn orys jáne qaza tilinde oqýǵa bolady», - delingen habarlamada.
