Almaty metropolıteni 17 qańtardan bastap jumys isteıdi
ALMATY. QazAqparat - Almaty metropolıteni 17 qańtardan bastap jumys isteıdi. Bul týraly qalalyq mobıldilik basqarmasy málim etti, dep habarlaıdy QazAqparat tilshisi.
Basqarmanyń habarlaýynsha, Almaty metropolıteni 17 qańtardan bastap jolaýshylarǵa esigin qaıta ashady. Tańǵy saǵat 07:00-den keshki saǵat 21:00-ge deıin jumys isteıdi.
Poıyzdardyń qozǵalys ıntervaly qarbalas ýaqytta 10 mınýt, basqa ýaqytta 13 mınýttan bolady.
«Sonymen qatar, 17 qańtardan bastap qoǵamdyq kólik, onyń ishinde trolleıbýstar men qala mańy marshrýttarynyń jumys ýaqyty saǵat 21:00-ge deıin uzartylady. Osylaısha, qalalyq marshrýttar tańǵy saǵat 08:00-den 21:00-ge deıin, qala mańy marshrýttary saǵat 09:00-den keshki saǵat 21:00-ge deıin jumys isteıtin bolady»,- dep habarlady Almaty qalalyq mobıldilik basqarmasynan.
