Almaty meshitterinde namaz oqýǵa shekteý qoıyldy
ALMATY. QazAqparat - Almatyda meshitterde jamaǵatpen namaz oqýǵa shekteý qoıyldy. Bul týraly qalanyń bas sanıtarlyq dárigeri Jandarbek Bekshın aıtty, dep habarlaıdy QazAqparat tilshisi.
9 maýsymda Qazaqstan musylmandary dinı basqarmasynyń elimizdegi meshitterde jamaǵatpen namaz oqýǵa ruqsat etiletindigi týraly málimdemesi jarııalanǵan bolatyn.
«Alaıda Almaty qalasynda koronavırýstyq ınfektsııamen aýyrǵandar sanynyń kóbeıýine baılanysty qala meshitterinde jamaǵatpen namaz oqýǵa shekteý qoıylady. Tek jekeleı dinı rásimderdi ótkizý men qulshylyq jasaýǵa jáne atrıbýtıkalardy satý ruqsat etiledi.
Buǵan qosa dinı ǵımarattaǵy jamaǵattyń sany 30 adamnan (bir ýaqytta) aspaýy kerek. Bul talaptar ıslam dininen basqa barlyq dinı birlestikterge de qatysty.
Óz kezeginde, dinı ǵımarattarǵa kelýshi jamaǵattan qoıylǵan shekteýlerge túsinistikpen qaraýdy jáne barlyq sanıtarlyq talaptardy saqtaýdy suraımyz»,-delingen bas sanıtarlyq dárigerdiń qaýlysynda.
