Almaty meshitinde telefon urlaǵan adam ustaldy
Qalalyq polıtsııa departamenti baspasóz qyzmetiniń habarlaýynsha, meshitke kelgen jigit kýrtkasynyń qaltasyndaǵy telefony joǵalǵanyn namazdan keıin bilgen.
«Namazyn oqyp bolǵan soń ol kýrtkasynyń qaltasynda bolǵan telefonynyń ornyn sıpap qalǵan. Jigit birden polıtsııaǵa habar bergen. Jedel júrgizilgen izdestirý amaldarynyń arqasynda kúdiktiniń kim ekendigi anyqtaldy. 30 jastaǵy kúdiktini tintý kezinde qaltasynan álgi adamǵa tıesili telefon tabyldy. Aıta ketý kerek, ol buǵan deıin de birneshe ret qylmystyq jaýapkershilikke tartylǵan», - dedi polıtsııa departamenti Qylmystyq polıtsııa basqarmasynyń basshysy Esen Ysqaqov.
Qazirgi tańda Bostandyq aýdandyq polıtsııa basqarmasy atalǵan derekke baılanysty QR QK 188-baby boıynsha sotqa deıingi tergeý isin tirkedi.
