Almaty men Japonııa arasyndaǵy taýar aınalymy 177,2 mln dollarǵa jetti
ALMATY. QazAqparat- Almaty ákimi Baqytjan Saǵyntaev Japonııanyń Qazaqstandaǵy Tótenshe jáne Ókiletti Elshisi Djýn ıAmadany qabyldady, dep habarlaıdy QazAqparat tilshisi.
Kezdesý barysynda taraptar saýda-ekonomıkalyq jáne mádenı-gýmanıtarlyq baılanystardy damytýdy, sondaı-aq Almaty qalasy men Kúnshyǵys eliniń prefektýralary arasyndaǵy óńiraralyq yntymaqtastyqty keńeıtýdi talqylady.
Bıylǵy jyldyń birinshi jartyjyldyǵynda Almaty men Japonııa arasyndaǵy taýar aınalymy 2020 jyldyń osy kezeńimen salystyrǵanda 12,6%-ǵa ósti jáne 177,2 mln dollarǵa jetti. Onyń ishinde eksport - 0,3 mln dollar, ımport - 176,9 mln dollar. Megapolıste 12 birlesken jáne 40 japondyq kásiporyn tirkelgen.
Mádenı-gýmanıtarlyq ózara is-qımyl aıasynda Almatydaǵy ál-Farabı atyndaǵy QazUÝ, Q. Sátbaev atyndaǵy QazUTZÝ sııaqty ýnıversıtetter men Japonııanyń Tsýkýba ýnıversıteti, Tokıo ýnıversıteti jáne taǵy basqa yntymaqtastyq ornyqqan.
Qazaqstandyqtardyń «Bolashaq» halyqaralyq stıpendııasy aıasynda japondyq 4 ýnıversıtette bilim alýǵa múmkindikteri bar.
Almatyda 2002 jyldan bastap «Narhoz» ýnıversıtetiniń bazasynda adamı resýrstardy damytýdyń Qazaq-japon ortalyǵy jumys isteıdi.
