Almaty men Úrimshini jańa tikeleı reıs jalǵaıdy
ALMATY. Maýsymnyń 23-i. QazAqparat /Elena Ilınskaıa/ - Qazaqstannyń ulttyq áýe tasymaldaýshysy - «Eır Astana» áýekompanııasy 2010 jyldyń 2-shi shildesinen bastap Almaty - Úrimshi tikeleı reısiniń ashylýy týraly qýanyshpen habarlaıdy. Bul týraly búgin Almaty qalasynda ótkizilgen arnaıy baspasóz máslıhatynda kompanııa ókilderi málim etti.
«Eır Astana» AQ prezıdenti Pıter Fosterdiń aıtýynsha, Qytaı men Qazaqstan arasyndaǵy saýda aınalymdary kún ótken saıyn artyp kele jatyr, eki el arasynda qoǵamdyq-saıası, mádenı jáne ekonomıkalyq baılanystar damyp kele jatyr. Qazirgi ýaqytta áýe kompanııasy Almatydan Beıjińge, al Astanadan Úrimshige deıin ushýdy uıymdastyryp otyr, degenmen onyń ózi suranysty qanaǵattandyra alar emes.
Úrimshi qalasyna «Eırbas-320» jaıly ushaǵymen saıahattan rahat alasyz. Tarıf quny ekonom-klass bıletteri úshin 27000 teńgeden jáne bıznes-klass úshin 140000 teńgeden bastalady. Áýejaı alymdary men basqa da salyqtar qosymsha alynady. Ushý ýaqyty 1 saǵat 50 mınýt.
