Almaty men Tashkent arasyna jańa poıyz qatynaıdy

ASTANA. QazAqparat - Almaty men Tashkent arasyna jańa kýzovty «Tulpar-Talgo» vagondarynan quralǵan júrdek poıyz qatynaıdy, dep habarlaıdy «Jolaýshylar tasymaly» AQ baspasóz qyzmeti.

Tashkentte «Qazaqstan temir joly» UK» AQ men «Ýzbekıston temır ıýlları» AQ delegatsııalarynyń kezdesýi aıaqtaldy. Onda buryn eki el úkimetteri ýaǵdalasqan  №1/2 «Almaty-Tashkent» halyqaralyq júrdek poıyzyn shyǵarý týraly kelisimdi júzege asyrýdyń tehnıkalyq tustary talqylandy.

Kezdesý qorytyndysy boıynsha tómendegi máseleler pysyqtalyp, sheshimin tapty: múmkindigi shekteýli jandar men olardy alyp júretin adamdarǵa arnalǵan oryndarǵa 70% kóleminde ózara jeńildik berý týraly, qol júkteri men júk bagajdaryn tasymaldaý tártibi týraly; №1/2 «Almaty-Tashkent» júrdek poıyzynyń qatynaý kestesi týraly jáne t.b.

Naýryz merekesiniń qarsańynda jańa turpattaǵy keń kýzovty «Tulpar-Talgo»  vagondarynan turatyn №1/2 «Almaty-Tashkent» júrdek poıyzynyń jolǵa shyǵady.

Poıyz Almatydan dúısenbi men senbi kúnderi, al Tashkentten seısenbi men jeksenbi kúnderi qatynaıtyn bolady. Jolda júretin ýaqyty shamamen 16 saǵ 30 mınýt. Aıaldaıtyn beketteri: Otar, Shý, Taraz, Shymkent, Saryaǵash jáne Tashkent qalasy.