Almaty men Tashkent arasyna avtobýs qatynaıtyn boldy
TAShKENT. QazAqparat - Búgin Ózbekstan astanasynda «Tashkent - Almaty - Tashkent» halyqaralyq avtobýs marshrýtynyń ashylýy ótedi, dep habarlaıdy «QazAqparat» HAA menshikti tilshisi Ózbekstan avtomobıl kóligi agenttiginiń baspasóz qyzmetine silteme jasap.
«Tashkent - Almaty» halyqaralyq avtobýs marshrýtynyń ashylýy 2018 jyldyń 11 sáýirinde saǵat 16-00-de «Tashkent» avtovokzalynda ótedi. 12 sáýirden bastap «Tashkent» avtovokzalynan kúnine 3 reıs (16:00, 17:00 jáne 18:00) qatynaıtyn bolady. «Almaty - Tashkent» baǵytyndaǵy avtobýstar «Saıram» avtovokzalynan jolǵa shyǵady.
Marshrýttyń qashyqtyǵy 818 shaqyrym, jol júrý ýaqyty - 16 saǵat 30 mınýt. Jol aqysy 100 myń sým jáne sáıkesinshe 4000 teńge.
Budan bólek, avtobýs qozǵalystarynyń kestesin saqtaý maqsatynda kedenshiler men shekarashylar «Tashkent - Almaty - Tashkent» baǵyty boıynsha jolǵa shyqqan ýaqytta «Gısht kýprık» beketi (Ózbekstan) men «Jibek joly» beketindegi (Qazaqstan) rásimderge baılanysty máselelerdi sheshti.
