Almaty men Talǵar arasyndaǵy keptelisti qalaı sheshýge bolady - ákim jaýap berdi

ALMATY. QazAqparat – Almaty ákimi Baqytjan Saǵyntaev Ortalyq kommýnıkatsııalyq qyzmetindegi brıfıngte Almaty men Talǵar arasyndaǵy keptelisten qalaı qutylýǵa bolatynyn aıtty, dep habarlaıdy QazAqparat tilshisi.

Onyń sózine qaraǵanda, qazir qalada BRT jelisiniń ekinshi kezegi jasalyp jatyr. Bul jol Shyǵys aınalma jolyna deıin sozylady.

«BRT jelisin Shyǵys aınalma jolyna jetkizgen sebebimiz, bul jerde biz arnaıy depo ashýdy josparlap otyrmyz. Talǵar jaqtan keletin jolaýshylar osy aradan avtobýsqa otyratyn bolady», - dedi Saǵyntaev.

Onyń aıtýynsha, ákimdik jańa jobany qolǵa alǵan.

«Biz osy máseleni byltyr Elbasyǵa, Memleket basshysyna baıandaǵan edik. «Qazaqstan Temir joly» kompanııasyna tapsyrma berildi. Talǵardan Almatyǵa deıin elektr poıyzdaryn júrgizý kerektigin aıttyq. Qazir osy jobaǵa jeke ınvestor tabyldy. Ákimdik QTJ birige otyryp jumys tobyn qurdy. Talǵardan adamdar elektr poıyzdarymen depoǵa deıin qatynaýy tıis. Sosyn ary qaraı olar atvobýstarǵa otyrady. Bul keptelis máselesin shesher edi»,- dedi Saǵyntaev.