Almaty men Sochı arasynda áýe qatynasy qaıta jandanady

ASTANA. QazAqparat - Ushý geografııasyn keńeıtý jáne halyqaralyq reıster sanyn ulǵaıtý jónindegi jumys sheńberinde Azamattyq avıatsııa komıteti Qazaqstan men Reseı arasyndaǵy áýe qatynasyn keńeıtý máselesin pysyqtady, dep habarlaıdy QazAqparat.

Osylaısha «Azımýt» áýe kompanııasy 28 maýsymnan bastap Almaty – Sochı baǵyty boıynsha turaqty jolaýshy reısterin qaıta bastaıdy.

Tasymaldaý «Sukhoi Superjet-95» tıpti áýe kemelerinde beısenbi kúnderi aptasyna 1 reıs jıiligimen oryndalady.

Áýe qatynasynyń qaıta jandanýy elder arasyndaǵy saýda-ekonomıkalyq, iskerlik, týrıstik jáne mádenı yntymaqtastyqty odan ári damytýǵa yqpal etedi.