Almaty men Shymkentte qarasoradan qaǵaz óndiriledi
Bul týraly QR Indýstrııa jáne ınfraqurylymdyq damý mınıstrligi Indýstrııalyq damý jáne ónerkásiptik qaýipsizdik komıtetiniń tóraǵasy Qanat Baıytov elordada ótken «Tsellıýloza-qaǵaz ónerkásibi men qaptama ındýstrııasyn damytý forýmynda» aıtty.
Komıtet basshysynyń aıtýynsha, qazirgi ýaqytta elimizde qaǵaz ónimderin jasaýǵa shıkizat tapshy. Osyǵan baılanysty, mınıstrlik arnaıy ósirilgen qarasora shıkizatyn paıdalanýdy qolǵa aldy.
«Bul jumysty 2016 jyldan beri júrgizip kelemiz. 2017 jyly ónerkásiptik tájirıbemizde qarasora ósirdik jáne odan Japonııada óte sapaly tsellıýloza jasaldy. Endi zaýyt qurýǵa qajetti qarjylyq-ekonomıkalyq kórsetkishterdi eseptep jatyrmyz. Ózderińiz bilesizder, dollar valıýtasy tehnıkalyq qarasoradan jasalady. Eger aǵash 20-25 jylda ósse, qarasora 100 kúnde ósip shyǵady. Almaty men Shymkentte qarasora ósirip kórdik jáne qazir de aınalysyp jatyrmyz. Bul - shıkizatpen qamtamasyz etý boıynsha strategııalyq mindet», - dedi Qanat Baıytov.