Almaty men Shymkent voleıbolshylary Joǵary lıganyń «A» tobyndaǵy el chempıonatynda qatar keledi
ALMATY. 24 jeltoqsan. QazAqparat - Temirtaýda ótip jatqan voleıboldan Joǵary lıganyń «A» tobyndaǵy erler komandalary arasyndaǵy el chempıonatynyń ekinshi týrynda
Almatynyń «Ushqyn-QazUAÝ» komandasy alǵash ret jeńilistiń aşy dámin tatty. Alǵashqy týrda qarsylas shaq keltirmegen olar ózin ókshelep kele jatqan Shymkenttiń «Qazyǵurt-Dınamo» komandasyna 3:1 esebimen ese jiberdi. Qazir qos komanda da 29 upaımen týrnır kestesinde qatar keledi. Oıyndardaǵy partııalar qatynasynyń koeffıtsıenti boıynsha onda almatylyqtardyń (3,44) baǵy janýda. Odan 0,2 koeffıtsıentke artta qalyp qoıǵan shymkenttikter ekinshi oryndy qanaǵat tutýda. Al Óskemenniń «Shyǵys-QorǵasynQurlysy-2» komandasy 24 upaımen úzdik úshtikti túıindeýde. Al «Ertis-AQ» (Pavlodar) - 17, «Esil-Vıktorııa» (Qyzyljar) - 11, «Jaıyq-Kondensat» (Oral) - 9, «Semeı» - 7, «VSMK ArselorMıttal» (Temirtaý) - 6 upaımen sáıkesinshe 4-8 oryndardy bólisýde.
Alda áli 3 oıyn bar. Bul synda 1-2 oryndaǵy komandalar 1-shi orynǵa talasyn ary qaraı jalǵastyrsa, alań qojaıyndary týrnır kestesindegi jaǵdaıyn jaqsartýǵa tyrysatyn bolady.
