Almaty men ShQO-da túrmelerdi qadaǵalaıtyn arnaıy prokýratýra qurylady

NUR-SULTAN. QazAqparat - Almaty men ShQO-da túzeý mekemelerin qadaǵalaıtyn arnaıy prokýratýra qurylady. Ortalyq kommýnıkatsııalar qyzmetinde ótken brıfıngte QR Bas prokýratýrasynyń qoǵamdyq múddelerdi qorǵaý qyzmetiniń bastyǵy Saparbek Nurpeıisov osylaı málimdedi, dep habarlaıdy QazAqparat tilshisi.

«QR Іshki ister mınıstrligimen birge qylmystyq atqarý júıesin modernızatsııalaý boıynsha jol kartasy daıyndaldy. Bul baǵdarlamalar boıynsha tıisti jumystar júrip jatyr. Biz prokýrorlyq qadaǵalaýdy kúsheıttik. Jýyqta ǵana úılestirý keńesinde túrmedegi azaptaý, medıtsınalyq kómekpen qamtý, tártipti qadaǵalaý sııaqty ózekti máseleleridi qaradyq. Tıisti is-qımal jospary qabyldandy. Onyń nátıjesin jaqynda birge kóremiz dep oılaımyn. Sonymen qatar, Bas prokýror Almaty jáne Shyǵys Qazaqstan oblystarynda túzetý mekemelerinde zańnyń saqtalýyn qadaǵalaıtyn arnaıy prokýratýra qurý týraly sheshim qabyldady. Bul qadaǵalaý qyzmetteriniń tıimdiligin arttyryp, sottalǵan tulǵalardyń konstıtýtsııalyq quqyǵynyń saqtalýyna septigin tıigzedi», - dedi vedomstvo ókili.