Almaty men Samarqan arasynda tikeleı reıster qaıta ashyldy

ASTANA. QazAqparat - Ushý geografııasyn keńeıtý jáne halyqaralyq reıster sanyn ulǵaıtý jónindegi jumys sheńberinde 18 naýryzdan bastap Almaty men Samarqan qalalary arasynda turaqty áýe qatynasy qalpyna keldi, dep habarlaıdy QazAqparat.

Reısterdi «FlyArystan» kompanııasy aptasyna 2 ret (sársenbi jáne senbi kúnderi) A-320 tıpti áýe kemelerimen oryndaıdy.

Bul halyqaralyq baǵyttyń qaıta iske qosylýy Qazaqstan men Ózbekstan arasyndaǵy saýda-ekonomıkalyq, mádenı jáne týrıstik qarym-qatynasty odan ári damytýǵa yqpal etedi.