Almaty men Ońtústik Qazaqstan turǵyndary qar kóshkini jaıynda eskertildi
ASTANA. QazAqparat - QR ІІM TJK Almaty jáne Ońtústik Qazaqstan oblystarynyń taýlarynda qar kóshkini júrýi múmkindigi týraly eskertti.
«Almaty oblysynda 24-26 naýryz aralyǵynda qardyń qalyń bolýy jáne taýly aýdandardaǵy jylymyqqa baılanysty qar kóshkini qaýpi saqtalady. Osyǵan oraı, qary qalyń bókterlerge shyqpaýǵa keńes beriledi. Taýda abaı bolyńyzdar», - delingen habarlamada.
Budan basqa, 25-26 naýryz kúnderi nóserli jańbyrlarǵa baılanysty OQO-nyń alasa taýly aımaqtaryndaǵy ózenderde jańbyr men erigen qar sýynyń tasqyndary kútiledi.
25-27 naýryzda Talas Alataý, Ógem jotasynda qardyń kóptigi, jaýyn-shashyn men jylymyq qar kóshkinine alyp kelýi múmkin.
