Almaty men Nur-Sultan qalalarynan Túrkistanǵa avıareıster ashyldy
«QR IIDM Azamattyq avıatsııa komıteti Túrkistan qalasynyń áýejaıyna turaqty reıster ashý boıynsha jumys júrgizýde. Bastapqy kezeńde Nur-Sultan jáne Almaty qalalarynan Túrkistanǵa kún saıyn reıster oryndaý josparlanyp otyr. Reısterdi «Fly Arystan«, «SCAT« jáne «Qazaq Air« syndy qazaqstandyq 3 kompanııa oryndaıdy», - delingen Azamattyq avıatsııa komıtetiniń aqparatynda.
Sonymen, búginnen bastap «Fly Arystan» áýe kompanııasy joǵaryda kórsetilgen baǵyttar boıynsha bıletterdi satýdy bastady. «Fly Arystan» reısterine bılet baǵasy Nur-Sultan jáne Túrkistan qalalary arasynda 6999 teńgeden jáne Almaty men Túrkistan qalalary arasynda 5999 teńgeden bastalady.
Nur-Sultan – Túrkistan – Nur-Sultan baǵyty boıynsha alǵashqy reıs 2020 jyldyń 1 jeltoqsanynda oryndalady.