Almaty men Nur-Sultan arasynda taǵy eki poıyz jolǵa shyǵady

NUR-SULTAN. QazAqparat - «Jolaýshylar tasymaly» AQ Almaty men Nur-Sultan qalalary arasynda taǵy 2 qosymsha kommertsııalyq poıyzdy iske qosady, dep habarlaıdy QazAqparat.

11 qańtarǵa Almaty-2 stantsııasynan qosymsha poıyzdar uıymdastyryldy:

- «Almaty-2 – Nur-Sultan-1» baǵytyndaǵy №203 poıyz Almaty-2 stantsııasynan 19 saǵat 41 mınýtta jolǵa shyǵyp, Nur-Sultanǵa 12 qańtar 16 saǵat 35 mınýtta keledi.

- «Almaty-2 – Nur-Sultan-1» baǵytyndaǵy №205/206 poıyzy búgin saǵat 22.05-te jolǵa shyǵady.

Elordaǵa 12 qańtarda saǵat 19.13-te keledi.

Odan ári osy poıyz Nur-Sultan-1 stantsııasynan 12 qańtarda shyǵyp, 13 qańtarda saǵat 20.05-te Almatyǵa keledi.

Eske sala keteıik, keshe Almaty men elorda arasynda 4 poıyz iske qosylatynyn jazǵan bolatynbyz.