Almaty men Nur-Sultan álemniń eń qymbat qalalarynyń qataryna kirdi
NUR-SULTAN. QAZAQPARAT – Elorda jáne Almaty qalasy ómir súrý boıynsha álemdegi eń qymbat qalalar qataryna endi. Reıtıng 2022 jyldyń birinshi jartyjyldyǵynyń qorytyndysy boıynsha jasaldy, dep habarlaıdy QazAqparat tilshisi.
Numbeo veb-saıty álemdegi eń iri qalalarda ómir súrý quny týraly aqparat usyndy. Reıtıngke 510 qala kirdi.
Ómir súrý qunynyń ındeksin esepteý úshin sarapshylar Nıý-Iorktiń negizgi kórsetkishin paıdalanǵan.
Ómir súrý qunynyń ındeksi boıynsha Almaty 466-orynda, al Qazaqstannyń astanasy Nur-Sultan qalasy 475-orynda tur.
Tizimde birinshi bolyp Bermýd-Gamıltonnyń ákimshilik ortalyǵy ornalasqan.
Aıta keteıik, ómir súrý quny boıynsha úzdik 10 qalaǵa Shveıtsarııa men AQSh qalalary kirip otyr.
Atap aıqtanda, Bazel (Shveıtsarııa), Tsıýrıh (Shveıtsarııa); Tsýg (Shveıtsarııa), Lozanna (Shveıtsarııa), Bern (Shveıtsarııa), Jeneva (Shveıtsarııa), Gonolýlý (AQSh, Gavaıı shtaty), Santa-Barbara (AQSh, Kalıfornııa shtaty) jáne Nıý-Iork qalasy (AQSh).
Reıtıng jasaý úshin zertteýshiler turǵyn úıdi jalǵa alý men turý, tamaq, sonymen qatar qala meıramhanalaryndaǵy baǵalardy zerttedi.
