Almaty men Qostanaıda jeke turǵyn úıler órtenip, 68 adam qaýipsiz jerge kóshirildi
ASTANA. 17 mamyr. QazAqparat - Almaty men Qostanaı qalalarynda jeke turǵyn úıler órtke oranyp, 68 adam qaýipsiz jerge kóshirildi. Tilsiz jaýdan zardap shekkender bar, dep habarlady QR TJM baspasóz qyzmetinen.
Búgin túnde Almatyda 6-shy yqsham aýdanyndaǵy № 12-kópqabatty turǵyn úıdi jalyn sharpydy. Órt aýmaǵy segiz sharshy metrdi qurady. 15 adam qaýipsiz jerge kóshirildi. Órtti aýyzdyqtaý barysynda 53 jastaǵy er adamnyń múrdesi tabyldy.
Órtti sóndirýge QR TJM Almaty qalalyq TJD órt sóndirý qyzmetiniń 16 mamany men bir tehnıkasy baǵyttaldy.
Sondaı-aq 16 mamyr kúni Qostanaı qalasynda №2 kópqabatty turǵyn úıdegi páter órtke orandy. Tilsiz jaý 15 sharshy metr aýmaqty sharpydy, 53 adam qaýipsiz jerge kóshirildi. Oqıǵa saldarynan 31 jastaǵy er adam men 30 jastaǵy áıeldi kúıik shaldy.
Tilsiz jaýdy aýyzdyqtaýǵa QR TJM Qostanaı oblystyq TJD órt sóndirý qyzmetiniń 9 mamany men 3 tehnıkasy jumyldyryldy.
