Almaty men Qonaev arasyndaǵy LRT jelisi: oblys ákimdigi jobanyń qalaı iske asatynyn aıtty
Joba Talǵar, Eńbekshiqazaq, Іle, Qarasaı, Jambyl aýdandaryn, sondaı-aq Qonaevty qamtymaq. Jalpy uzyndyǵy shamamen 146 shaqyrym. Joba Almaty qalasy men Almaty oblysynyń avtomobıl kóligi júıesiniń máselelerin sheshýge arnalǵan. Kún saıyn óńirde turatyn 500 myń adam megapolıske keletinin eskersek, atalǵan qurylys jol ınfraqurylymyna túsetin júktemeni azaıtýǵa yqpal etpek.
Qurylystyń qashan bastalatyny jáne jobanyń quny ázirge belgisiz. Qazirgi ýaqytta ýákiletti basqarmalar men ákimdikteri Almaty qalasynyń shekarasynan Almaty oblysynyń aýdandary men oblys ortalyǵyna deıingi kólik dálizin anyqtaý jumystaryn bastady. Kólik dálizi anyqtalǵannan keıin «Tashıapy» seriktestigi esebinen tehnıkalyq-ekonomıkalyq negizdemeni ázirleý bastalady.
Almaty oblysynyń ákimdigi atalǵan joba Almaty aglomeratsııasynyń keshendi qala qurylysy josparyn eskere otyryp ázirlenetinin habarlady.
«Kompanııa jobany júzege asyrý úshin yntymaqtastyq mehanızmi boıynsha usynys daıyndap jatyr. Aldyn ala joba memlekettik-jekemenshik áriptestik (MJÁ) aıasynda júzege asyrylatyn bolady, jeke ınvestıtsııalardyń da usynysy qarastyrylýda. Ázirlengen tehnıkalyq-ekonomıkalyq negizdeme men jobalyq-smetalyq qujattama muqııat memlekettik saraptamadan ótedi. Sonymen qatar, tehnıkalyq-ekonomıkalyq negizdemeni ázirleý kezinde ár aýdanda qoǵamdyq tyńdaý uıymdastyrylyp, onda aýdan turǵyndary men mamandardyń pikiri muqııat eskeriletin bolady», - dep atap ótti oblys ákimdiginen.
Aıta keteıik, buǵan deıin QR Indýstrııa jáne ınfraqurylymdyq damý mınıstrligi avtomobıl joldary komıteti túrik kompanııasyn Aqtóbe-Maqat jolyn qalpyna keltirýge baılanysty sotqa bergen bolatyn.
Almaty oblysy ákmidiginiń málimetinshe, búgingi kúni taraptar arasyndaǵy barlyq kelispeýshilikter sheshildi.
«2019 jyly Indýstrııa jáne ınfraqurylymdyq damý mınıstrligi jol komıteti men «Tashıapy» seriktestigi arasynda týyndaǵan sot daýlarynyń bolýyna qatysty búginde taraptar arasyndaǵy barlyq kelispeýshilikter sheshildi. 2022 jyldan bastap «Qaraǵandy-Jezqazǵan», «Aqtóbe-Qarabutaq-Ulǵaısyn» jáne «Ońtústik-Batys Shymkent aınalma joly» avtokólik joldaryn qaıta jańǵyrtý jobalaryn júzege asyrý boıynsha aınalma jol men Tashıapy arasynda kelissózder júrgizilip jatyr»,- dep atap ótti oblystyq ákimdikten.
«Tashıapy» seriktestigi 1979 jyldan beri ózin túrli salalarda ınvestıtsııalyq qyzmetti júzege asyratyn turaqty kásiporyn jáne senimdi isker seriktes retinde tanytty. Olardyń qatarynda energetıka, týrızm, munaı, aýyl sharýashylyǵy jáne tamaq ónerkásibi, sondaı-aq taý-ken jáne aeroǵarysh ónerkásibi bar. Túrik kompanııasynyń seriktes elderi Irak, Reseı, Qazaqstan jáne Dýbaı, sondaı-aq Afrıka kontınentiniń memleketteri bar.
