Almaty men Ekaterınbýrg arasynda áýe reısi ashylady
NUR-SULTAN. QazAqparat - 22 jeltoqsanda Ural Airlines áýe kompanııasy Ekaterınbýrg pen Almaty arasynda jańa reısti iske qosady, dep habarlaıdy QazAqparat tilshisi QR IIDM Azamattyq avıatsııa qyzmetine silteme jasap.
Reıster aptasyna eki ret A320 tıpti áýe kemelerinde oryndalady.
«Ekaterınbýrgten juma jáne jeksenbi kúnderi saǵat 22:00-de, Almatydan - dúısenbi men senbi kúnderi jergilikti ýaqyt boıynsha 07:15-te ushatyn bolady. Ushý uzaqtyǵy - 3 saǵat», - delingen habarlamada.
Ural Airlines - iri reseılik áýekompanııalardyń biri. 2018 jyldyń qorytyndysy boıynsha ol 9 mıllıonnan astam jolaýshyny tasymaldaǵan.
