«Almaty» men «Barystar» basketbol klýbtarynyń arasyndaǵy ekinshi match 65:82 esebimen qonaqtardyń paıdasyna sheshildi
ALMATY. 22 qarasha. QazAqparat - Keshe Almatydaǵy «Dostyq» sport kesheninde basketboldan Ulttyq lıgadaǵy HHІ Qazaqstan chempıonaty aıasynda erler arasynda «Almaty» men «Barystar»( Atyraý) klýbtarynyń ekinshi matchy ótti.
Onda almatylyqtar alǵashqy matchtaǵy óz basymdyǵyn saqtap qala almady. Bul saıysta 1 kezeń 15:19, ekinshi kezeń 21:20, úshinshi kezeń 13:23, tórtnishi kezeń 16:20 esbimen aıaqtaldy.
Almatylyqtar seısenbi kúni 80:71 esebimen (17:17, 28:20, 17:19, 18:15) jeńiske jetken bolatyn. Onda upaı aıyrmashylyǵy - 9 bolsa, sársenbide qonaqtar ony 17-ge deıin jetkizip, jalpy esepte 145:153 esebimen jeńiske jetti. Endi almatylyqtardyń kelesi qarsylasy Aqtaýdyń «Kaspıı» klýby bolmaq. Bul saıysty da 24-25 qarasha kúnderi óz alańynda ótkizbek.
