«Almaty» men «Atyraý» voleıbolshylary Ulttyq lıgadaǵy el chempıonatynda qatar keledi
ALMATY. 11 aqpan. QazAqparat - Osy kúnderi Óskemende voleıboldan Ulttyq lıgadaǵy erler komandalary arasynda HHI QR chempıonatynyń úshinshi týry ótýde.
Alǵashqy eki kúnniń qorytyndysy boıynsha týrnır kestesinde "Almaty" men "Atyraý" komandalary 28 upaımen qatar keledi. Upaı koeffıtsıenti boıynsha alda turǵan almatylyqtardyń atyraýlyq qurdastarynan bir oıyny kem.
Aıta keteıik, "Atyraýlyqtar" qyzyljarlyq "Esildi" 3:0 etip utqanymen, Oraldyń "Kondensatyna" 1:3 bolyp jeńilip qalǵan bolatyn. Olar buǵan deıingi oıyndarda qyzyljarlyqtardy eki ret 3:1, al oraldyqtardy 3:1 jáne 3:2 etip jeńdi. Al Almatylyqtar bolsa hromtaýdyń "TNK Qazhromynan" 3:2 esebimen basym tústi, olar buǵan deıin eki ret 2:3 esebimen jeńilis tapqan edi.
Týrnır kestesindegi úzdik úshtikti kóshbasshylardan tórt upaıy kem oraldyqtar túıindeýde. Al hromtaýlyqtardyń qorjynynda - 23, "pavlodarlyqtarda" - 21, qyzyljarlyqtar men óskemendikterde ("Shyǵys-QorǵasynQurylys") 10 upaıdan ǵana bar. Olardyń arasynda "Esildiń" bir oıyny kem. Bul týr 15 aqpan kúni aıaqtalmaq.
