Almaty men Astanada áıgili qazaqstandyq fýtbolshy S. Baıshaqovtyń mereıtoıyna arnalǵan match ótedi
ALMATY. Tamyzdyń 21-i. QazAqparat /Názıra Eleýhan/ - Tamyzdyń 28 kúni Almatyda, qyrkúıektiń 2-i Astanada áıgili qazaq fýtbolshysy Seıildá Baıshaqovtyń 60 jyldyǵyna arnalǵan match ótedi, dep habarlaıdy QazAqparat.
Seıildá Baıshaqov 20 jasynda áıgili "Qaırat" quramynda óner kórsete bastaıdy. Alǵashqy oıyn maýsymynda-aq ortalyqtaǵy qorǵaýshy retinde ádemi oıyn órnegin kórsete bildi. Natıjesinde, Baıshaqovtyń juldyzdy joly 1971 jyly KSRO chempıonatynyń joǵarǵy lıgasynda jalǵasyp, ol sol jyldyń eń úzdik debıýtanty atanady. Joǵary lıgada ol 225 match ótkizip, 7 gol soǵady. Dál osy, 1971 jyly Seıdilda Baıshaqov "Qaırat" kuramynda Halyqaralyq temirjolshylar sport odaǵynyń kýbok ıegeri atanady.
Oıynshylyqpen qoshtasqan soń da, Seıildá Baıshaqov fýtbol áleminen ketken joq. Uzaq jyldar boıy ózi ómir boıy oınaǵan "Qaıratta" jattyqtyrýshy, keıin klýbtyń vıtse-prezıdenti qyzmetin atqardy. Odan keıin ardager QR fýtbol federatsııasyna aýysty. Ol qazirgi ýaqytta federatsııanyn vıtse-prezıdenti qyzmetin atqarýda.
60 jyldyǵyn atap ótetin fýtbol ardagerin match barysynda onyn dostary, 70-80 jyldary «Qaıratta» birge óner kórsetken dostary kuttyktaıdy. Olardyń qatarynda Quralbek Ordabaev, Dıas Omarov, ıÝsýp Shadıev, Evgenıı Kýznetsov, Vıktor Abgolts, Mıhaıl Gýrman, Aleksandr Hapsalıs, Aleksandr Ýbykın, Asqar Qojabergenov, Sergeı Volgın, Fanas Salımov jáne taǵy da basqa fýtbolshylar bar.
