Almaty men Astana qalalary 2013 jyly 4G jelisimen qamtylatyn bolady
ASTANA. 20 tamyz. QazAqparat - 2013 jyldyń basyna qaraı Qazaqstanda 4G jelisimen Almaty jáne Astana qalalary qamtylatyn bolady, dep habarlady QR Kólik jáne kommýnıkatsııa mınıstrliginiń baspasóz qyzmeti Pm.kz saıtyna.
4G (tórtinshi urpaq) jelisiniń qurylysy ústimizdegi jyly bastalyp ta ketken.
«2013 jyldyń basyna qaraı atalǵan jeliler Almaty jáne Astana qalalaryna, al 2014 jylǵa qaraı barlyq oblys ortalyqtaryna taralýy kerek», - delingen vedomstvonyń habarlamasynda.
Sondaı-aq, 2015 jyly 4G jelisimen halqy 50 myńnan asatyn barlyq eldi mekender, al 2018 jylǵa qaraı barlyq aýdan ortalyqtary qamtylatyn bolady.
Budan basqa, respýblıkada 4G Long Term Evolution uıaly baılanys standartyn engizý jónindegi joba da júzege asyrylýda. Ol boıynsha Almaty jáne Astana qalalarynyń aýmaǵynda 4G LTE uıaly baılanysynyń ilki jobasyn uıymdastyrýǵa arnalǵan radıojıilik spektrin qoldaný iske asyrylýda.
Bul ilki joba qazir iske qosylǵan, sondaı-aq testileýdi júrgizý úshin 5 bazalyq stantsııa da ornatylǵan.
