Almaty men Astana áýejaılarynda aýa raıynyń qolaısyzdyǵynan reıster keshiktirildi
ALMATY. QazAqparat - Almaty men Astana halyqaralyq áýejaılarynda aýa raıynyń qolaısyzdyǵy saldarynan reıster keshiktirilip jatyr.
Elordalyq áýejaıdyń onlaın-tablosynan habarlanyp otyrǵandaı, Astana-Taldyqorǵan baǵytyndaǵy reıs keshigýde. Aqtóbeden ushatyn reıs toqtatyldy.
Astana-Aqtóbe jáne taǵy bir halyqaralyq baǵdar: Astana-Úrimshi reısi toqtatyldy.
Budan basqa, Almaty áýejaıynyń saıtyndaǵy elektrondyq tabloǵa sáıkes, halyqaralyq jáne ishki baǵyttar boıynsha ushyp shyǵatyn reıster keshigýde. Bul Almaty-Qaraǵandy, Almaty-Úrimshi, Almaty-Amsterdam (tehnıkalyq sebeptermen). Almaty-Úrimshi baǵytyndaǵy reıs toqtatyldy.
Qaraǵandy, Óskemen, Astanadan, sondaı-aq Úrimshi, Hoshımınnen ushatyn halyqaralyq reısterdiń ushyp kelýi keshigip jatyr. Almaty-Oral, Almaty-Djebel Álı (Ál-Maqtum), Almaty-Úrimshi baǵytyndaǵy reıster toqtatyldy.
Astanada qar aralas kúshti jel, aýanyń temperatýrasy 12 gradýs aıazdy kórsetip otyr. Almatyda túnde qar jaýdy, aýanyń temperatýrasy - Tselsıı boıynsha 3 gradýs.
