Almaty men Aqtóbede ITF tennıs týrnırleri bastaldy
ASTANA. QazAqparat - Almaty men Aqtóbede ITF týrnırleri bastaldy. Onyń qatarynda Almatyda ótkiziletin - júlde qory 15 000 AQSh dollary bolatyn ITF Woman's áıelder týrnıri, Aqtóbede ótkiziletin - júlde qory 25 000 AQSh dollary bolatyn ITF Futures erler týrnıri bar. Týrnır 4 aqpanǵa deıin jalǵasady. Bul týraly Qazaqstannyń tennıs federatsııasynyń saıty habarlady.
Almatyda ótetin ITF Woman's týrnırine Qazaqstannyń atynan Gozal Aınıtdınova, Kámıla Kerimbaeva, Kámıla Bolatova, Ekaterına Dmıtrıchenko, Aleksandra Grınchıshına, Darıa Detkovskaıalar qatysady.
Aqtóbede ótetin ITF Futures týrnırine Qazaqstannyń namysyn Roman Hasanov, Denıs Evseev qorǵaıdy. Ókinishke oraı, Tımýr Habıbýlın men Grıgorıı Lomakın birinshi raýndta jeńilip qaldy: Habıbýlın chehııalyq Vatslav Safranekqa 7:6(0), 7:6(4), al Lomakın reseılik Maksım Ratnıýkke, 6:7(5), 6:2, 6:2 esebimen utyldy.
