Almaty memlekettik qýyrshaq teatry balalarǵa bazarlyq usynady
ALMATY. QazAqparat- Almaty memlekettik qýyrshaq teatry 1 maýsym – halyqaralyq balalardy qorǵaý kúnine oraı jas kórermender men olardyń ata-analaryna arnap jańa jobalar usynady, dep habarlaıdy QazAqparat tilshisi.
Teatr baspasóz qyzmetiniń málimetinshe, balalar merekesinde búldirshinder oflaın is-sharalarmen qatar, qýyrshaq teatrynyń áleýmettik paraqshalarynda arnaıy júrgiziletin aıdarlarǵa onlaın qatysa alady.
«Qýyrshaq dýman» qaıyrymdylyq qoıylymy áleýmettik jaǵdaıy tómen, kópbalaly otbasynyń búldirshinderiniń nazaryna usynylady. Bul shara demeýshilerdiń syılyq tartýymen jalǵasady. Sonymen qatar, búldirshinderdiń qýyrshaq teatryna degen qyzyǵýshylyǵyn arttyrý maqsatyndaǵy vıktorınalyq suraqtar, baıqaýlar men ınteraktıvti oıyndardy qamtıtyn «Qýyrshaq teatry qýantady», «Meniń súıikti qýyrshaǵym» syndy tanymdyq jobalarda búldirshinderdiń jan-jaqty, josparly damyp, júıeli ýaqyt ótkizýi kózdelgen» dep habarlady teatrdan.
Teatrdyń Instagram paraqshasynda «Men de bala bolǵanmyn» atty saýalnama, «Balalyqtyń bal dámi» tanymal óner juldyzdarynyń balalyq shaǵy týraly estelikteri, teatrdyń qýyrshaq jasaý sheberi, sýretshi, býtafor qyzmetkerleriniń qatysýymen «Balalyq shaqtyń jarqyn tústeri» onlaın sheberlik saǵaty ótedi.
Qazaq radıosynyń «Balalarǵa bazarlyq» baǵdarlamasynda «Qańbaq shal» merekelik radıospektakli, «Baqytty otbasy – baqytty bala» merekelik otbasylyq tikeleı efırin usynady.
Sonymen qatar, mereke aıasynda teatrdyń shyǵarmashylyq tynysyn, jumys barysyn, qýyrshaqtar álemin keńinen nasıhattaýǵa arnalǵan TikTok kanalyn ashylady.
Maqsat - kórermendermen tyǵyz qarym-qatynas ornatý, qýyrshaqtardyń jańasha múmkindikterin dáripteý.
