Almaty memlekettik kirister departamenti sybaılas jemqorlyqqa qarsy jumysty kúsheıtedi
ALMATY. QazAqparat - Almaty qalasy boıynsha memlekettik kirister departamenti ishki qaýipsizdik basqarmasynyń basshysy Ernar Maqajanov memlekettik kiris organdarynda sybaılas jemqorlyqty tómendetý boıynsha júrgizilgen jumystar jaıly aıtty, dep habarlady «QazAqparat» HAA tilshisi.
Almaty qalasy ÓKQ alańynda sóz alǵan spıker eskertý jáne aldyn alý sharalaryn ýaqtyly qabyldaýǵa basa nazar aýdardy. Eger budan buryn sybaılas jemqorlyqqa qarsy is-qımyl onyń saldarymen kúreske baǵyttalsa, kináli azamattardy qylmystyq jazalaýdan kórinse, qazir aldyn alýǵa basa kóńil bólinýde.
Bul jumystar Ult josparynyń 13-shi qadamyn oryndaýǵa baǵyttalǵan. Qujatta sybaılas jemqorlyq quqyq buzýshylyqtyń aldyn alý úshin sybaılas jemqorlyqqa qarsy arnaıy bólimshe qurý jaıly aıtylady.
Erjan Maqajanov baqylaýdy qamtamasyz etý, sharalar qabyldaý maqsatynda barlyq keden beketterinde, aýdandardyń memlekettik kirister basqarmalarynda veb-kameralar ornatylǵanyn atap ótti. Onyń kómegimen MKD laýazymdy tulǵalarynyń qyzmetine monıtorıng júrgiziledi. Barlyq sybaılas jemqorlyq jaıly habarlaýǵa bolatyn aqparattyq paraqtar ornalastyryldy, onda telefondar kórsetildi.
«Jyl basynan bastap MKD laýazymdy tulǵalaryna qatysty 42 qylmystyq is tirkeldi. Onyń 20-syn MKD ishki qaýipsizdik kúshteri ashty. Jyl basynan bastap 7 laýazymdy tulǵa qylmystyq jaýapkershilikke tartyldy. Sonymen birge, aǵymdaǵy jylǵy 11 aıda Іshki qaýipsizdik basqarmasyna laýazymdy tulǵalarǵa qatysty 140 shaǵym jáne jeke, zańdy tulǵalardyń ótinishteri kelip tústi», - dep habarlady ol.
Basqa organdardan kelip túsken shaǵymdar, ótinishter men materıaldardy qaraý aıasynda 86 qyzmettik tekserý júrgizildi jáne 55 laýazymdy tulǵa, qyzmettik tergeý júrgizilmeı, ІQB-nyń baıanat etýiniń negizinde 41 laýazymdy tulǵa ártúrli tártiptik jaýapkershilikke tartyldy. Memlekettik kirister organdarynan 7 adam jumystan shyǵaryldy. Ernar Maqajanov usaq buzýshylyqqa da, memlekettik qyzmettiń bedelin túsiretin áreketi úshin de tártiptik jaýapkershilikti kúsheıtýge basa nazar aýdarylǵanyn atap ótti.
Sonymen, búginde memlekettik qyzmettiń bedelin túsirgeni úshin MKD 11 qyzmetkeri tártiptik jaýapkershilikke tartyldy. Sonymen qatar, memlekettik kirister organdary sybaılas jemqorlyqqa qarsy is-qımyl ýákiletti organymen birlesip kásipkerler jáne syrtqy ekonomıkalyq qyzmet qatysýshylarynyń para berý faktilerin anyqtaý jumystary jandandyryldy.
Tutastaı respýblıka boıynsha ótken jyldan bastap ishki qaýipsizdik kúshteri MK organdary qyzmetkerlerine para berýdiń 25 faktisin tirkedi. Búginde para berýshilerdiń jartysy sottaldy. Olarǵa aıyppul tóleýden bastap bas bostandyǵynan aıyrýǵa deıin jazalaý sharalary qoldanyldy.
«MK organdarynda para alýdy áshkereleýge járdemdesken, zańǵa múltiksiz qyzmet etken qyzmetkerlerdi kótermeleý sharalary qabyldanýda», - dep atap ótti Ernar Maqajanov.
Qorytyndylaı kele, ІQB departamenttiń laýazymdy tulǵalary arasynda sybaılas jemqorlyqty anyqtaý, pármendi aldyn alý jumystaryn júrgizý, laýazymdy tulǵalardyń para berý faktilerin anyqtaý jumystaryn odan ári kúsheıte bermek.
