Almaty mektepteriniń muǵalimderi arasynda qorshaǵan ortany qorǵaý negizderi boıynsha trenıng ótip jatyr

Atalmysh trenıng «Almaty qalasyndaǵy mektepter men qoǵamdastyqtardyń qorshaǵan ortany qorǵaý máseleleri jóninde qoǵamdy málimettendirýdi damytý» baǵdarlamasy aıasynda uıymdastyryldy, dep habarlaıdy QazAqparat.

«Bul bizdiń alǵashqy jobamyz bolyp tabylady. Búgin Alataý, Túrkisib pen Jetisý aýdandaryndaǵy mektep muǵalimderi arasynda qorshaǵan ortanyń túıtkildi máseleleri men negizderi jaıynda osy trenıngti ótkizip otyrmyz. Bul shara barysynda alǵan málimetterdi muǵalimder keleshekte ádistemelik qural retinde paıdalanyp, iske asyra alady», deıdi QR Qyzyl jarty aı qoǵamynyń múshesi, jobanyń úılestirýshisi Maksım Qadyrbaev.

Sáýirdiń 20-21-i kúnderine jalǵasatyn bul sharada atmosferanyń qurylýy, Almaty qalasynyń aýa basseıininiń ekologııalyq máseleleri, aýa lastanýynyń turǵyndar densaýlyǵyna áseri, Almaty qalasynyń lastaný túrleri jaıynda arnaıy daıyndalǵan mamandar qazaq, orys tilderinde semınarlar ótkizýde.

Atalmysh joba QR Qyzyl jarty aı qoǵamy, Nıderlandyq Qyzyl Krest jáne TASIC «Táýelsiz memleketterge kómek kórsetý» baǵdarlamasy men Eýropalyq Keńestiń qarjylaı qamtamasyz etýimen júzege asyp otyr.