Almaty mektepteriniń birinde 1-shi «ıý» synyby ashyldy

ALMATY. QazAqparat - Sırek kezdesetin «ıý» áripi bar birinshi synyp № 157 jalpy bilim beretin mektepte paıda boldy, dep habarlaıdy QazAqparat tilshisi.

Ol qalanyń Naýryzbaı aýdanynda ornalasqan. Bıylǵy oqý jylynda bul mekteptiń 1-shi synybyna 714 bala qabyldandy. Birinshi synyp oqýshylary 28-ge bólindi. Oflaın oqytýdy uıymdastyrý kezinde synyptardyń tolyqtyrylýy 25 oqýshydan aspaıdy.

«Alma City», «BI Group» jáne «Shuǵyla» jańa yqshamaýdandarynyń salynýyna baılanysty mektepte synyptar sany artty. Jalpy, bul mektepte 1-shi synyptan 11-shi synypqa deıin bıylǵy oqý jylynda 4862 oqýshy bar. Olar 185 synypqa bólingen»,-dedi Almaty qalasy bilim basqarmasynyń baspasóz qyzmeti.

Aıta keteıik, mektepte buǵan deıin ata-analardyń ótinishi boıynsha 1118 oqýshy onlaın oqytýǵa kóshken bolatyn. Sondyqtan osy oqý ornynda oflaın formatta 177 synyp oqıtyn bolady. Olar eki aýysymǵa bólingen: 88 - birinshi, 89 - ekinshi. Ol úshin mektepte 95 kabınet bar.

Mektep boıynsha oqýshylar oflaın rejımde 2 aýysymda 177 synypta oqıdy. 1 aýysymda 88 jáne 2 aýysymda 89 synyp jıyntyǵy bar.