Almaty mektepterine muǵalimder elektrondy túrde qabyldanatyn boldy

ALMATY. QazAqparat - Almaty qalalyq Bilim berý basqarmasy mektep basshysy quramy men muǵalimderdi jumysqa qabyldaý protsesin avomattandyrýdy qolǵa almaq, dep habarlaıdy QazAqparat tilshisi.

«Bul jumysqa qabyldaýda sybaılas jemqorlyqtyń aldyn alýǵa kómektesedi. Bilim salasy qyzmetkerleri tarapyna jemqorlyq máselesi boıynsha jıi syn aıtylyp jatady. Sondyqtan, mektepterdiń portalynda barlyq bos oryndar jarııalanatyn bolady. Kez-kelgen qajetti bilimi bar adam bos orynǵa tapsyrys bere alady. Jumysqa qabyldanbasa, barlyq jumys berýshi qabyldamaý sebebin túsindirýge mindetti», - dedi basqarma basshysy Gúlnar Qojabergenova.

Sonymen qatar, mektepishilik nemese syrtqy lagerlerge oqýshy qabyldaý protsesi de avtomattandyrylady.

Jyl saıyn jergilikti bıýdjetten kópbalaly nemese áleýmettik jaǵynan az qamtylǵan otbasynyń balalaryn lagerge jiberýge qarjy bólinedi.

«Bıyl 232 mln teńge bólindi. 4 myńǵa jýyq bala demalyp keldi. Kelesi jyldan bastap bala irikteý protsesin de avtomattandyratyn bolamyz. Ata-analardyń ózderi portal arqyly ótinim qaldyratyn bolady», - dedi ol.