Almaty mektepterinde seısmıkalyq tózimdilik jumystary júrgizilýde

ALMATY. QazAqparat – Almatyda jańa mektepter salynyp, keıbir eski bilim berý uıymynda seısmıkalyq tózimdilik jumystary júrip jatyr. Bul týraly qalalyq bilim basqarmasynyń basshysy Lázzat Jylqybaeva málim etti, dep habarlaıdy QazAqparat tilshisi.

Onyń aıtýynsha, qazir Alataý, Naýryzbaı jáne Túrksib aýdandarynda 12 600 oryndyq 8 memlekettik mektepte jáne 17 jumys istep turǵan mektepke 8 263 oryndyq qosymsha qurylys salynyp jatyr. Atap aıtsaq bul №38, 60, 166, 186, 6, 132, 117, 133, 144, 121, 199, 191, 57, 177, 102, 34, 170-shi mektep.

«4 150 oryndyq 9 qosymshanyń qurylysyn oqý jylynyń basynda aıaqtaý, al qalǵan 8 qosymshanyń qurylysyn osy jyldyń sońyna deıin aıaqtaý josparlanǵan. Sondaı-aq, 4 mekteptiń ǵımaratyna qalpyna keltirý jáne kúrdeli jóndeý jumystary júrgizilýde, ol №7, 40, 45, 54 mektep. № 81 mekteptiń seısmoturaqtylyǵyn kúsheıtý aıaqtaldy, taǵy №40, 45, 54-shi mekteptiń qurylysyn 1 qyrkúıekke deıin jáne № 7 mekteptiń qurylys-montaj osy aǵymdaǵy jyldyń jeltoqsan aıynda aıaqtaý josparlanýda»,-dedi basqarma basshysy.

Sonymen qatar, ol qazir №4 mektepti rekonstrýktsııalaý, 2 mektepke qosymsha qurylys salý jáne 3 mektepti seısmıkalyq kúsheıtý boıynsha jumystar bastalǵanyn aıtty.

Jóndeý jumystary kezinde mektepterdi kóshirý jumystary júrgizilýde.