Almaty mektepterinde oqýshylarǵa sporttyq aıaqkıim kııýge bola ma

ALMATY. QazAqparat- Almaty qalalyq bilim basqarmasynyń basshysy Lázzat Jylqybaeva megapolıs mektepterindegi oqýshylardyń formasy týraly aıtyp berdi, dep habarlaıdy QazAqparat tilshisi.

«Mektep formasy Oqý-aǵartý mınıstrliginiń buıryǵy boıynsha bekitildi. ıAǵnı, munda mektep formasyna qoıylatyn biryńǵaı talaptar bekitilgen, ol bilim berý uıymymen anyqtalady, biraq buıryqta jazylady. Biz aıtqandaı, biryńǵaı mektep formasy, balalardyń uqypty kelbeti bolýy kerek. Árbir bilim berý uıymy, árbir mektepte biryńǵaı talaptar bar. Sporttyq aıaq kıimge keletin bolsaq, aıaq kıimniń klassıkalyq kórinisi bolýy kerek. Naqty talaptar qosymsha qoıylmaǵan», — dedi Lázzat Jylqybaeva.

Buǵan deıin Almaty qalalyq bilim basqarmasynyń ókilderi 2023 jyly mektep formasy qalaı ózgeretinin aıtqan bolatyn.

Er balalarǵa arnalǵan mektep formasy:

- pıdjak, jılet, shalbar, merekelik jeıde, kúndelikti jeıde, ne túımeleri bar nemese sydyrmaly toqylǵan kúrte (kardıgan), polo jeıde nemese tennıska (qys mezgilinde: trıkotaj jılet, vodolazka). Uldarǵa arnalǵan shalbarlar erkin tigilgen jáne uzyndyǵy boıynsha tobyqty jaýyp turady.

Qyz balalarǵa arnalǵan mektep formasy:

- pıdjak, jılet, beldemshe, shalbar, klassıkalyq jeıde, ne túımeleri bar nemese sydyrmaly toqylǵan kúrte (kardıgan), polo jeıde nemese tennıska (qysqy ýaqytta: trıkotaj jılet, sarafan, vodolazka). Qyzdarǵa arnalǵan shalbarlar erkin tigilgen jáne uzyndyǵy boıynsha tobyqty jaýyp turady.