Almaty mektepterinde oqýshylardyń oryn tapshylyǵy máselesi sheshimin tabýda
Almaty ákiminiń málimetinshe, qazir Almatyda orta bilim berý salasynda 291 mektep jumys istese, onyń 207-si memlekettik mektep. «Barlyǵy 303 110 oqýshy bilim alady. Bul ótken oqý jylymen salystyrǵanda 12 myńnan astam oqýshyǵa artyq. Búginde oqýshy orny tapshylyǵy – 33 812», - dep jazady Baqytjan Saǵyntaev.
Onyń aıtýynsha, qala mektepterinde oqýshylardyń oryn tapshylyǵy máselesin sheshý úshin kelesideı jumystar atqarylýda.
«Bul máseleni sheshý úshin «qadamdyq qoljetimdilik» qaǵıdaty aıasynda 12 600 orynǵa arnalǵan 8 memlekettik mekteptiń qurylysy júrgizilýde. Sonyń ishinde 5100 orynǵa arnalǵan 3 mektep bıyl jeltoqsan aıynda paıdalanýǵa beriledi.
8263 orynǵa arnalǵan mektepke japsarlas 17 jańa korpýstyń qurylysy jalǵasýda. Bul rette 4600 oryndy 11 korpýstyń qurylys-montajdaý jumysy bitti. Qalǵan 3663 oryndy 6 ǵımarattyń qurylysy bıyl jyl sońyna deıin aıaqtalady. Jańa oqý jylynyń basynda jeke ınvestıtsııa esebinen 2656 oryndy 13 jekemenshik mektep ashyldy», - dep jazdy shahar basshysy.