Almaty mektepterinde 5 myńǵa jýyq beınebaqylaý kamerasy ornatylǵan

ALMATY. QazAqparat- Almaty mektepterinde 5 myńǵa jýyq beınebaqylaý kamerasy ornatylǵan. Bul týraly Arystanǵanı Zapparov qala turǵyndarmen esep berý kezdesýinde aıtty, dep habarlaıdy QazAqparat tilshisi.

Almaty qalalyq Polıtsııa departamenti basshysynyń aıtýynsha, balalardyń qaýipsizdigi polıtsııanyń turaqty baqylaýynda.

«Barlyq bilim berý nysandarynda qaýipsizdik máselesi boıynsha tekseris júrgizildi. Búgingi tańda qala mektepterinde 4960 beınebaqylaý kameralary men «dabyl batyrmalary» ornatyldy»,- deıdi Arystanǵanı Zapparov.

Sonymen qatar, ol bilim mekemesindegi barlyq beınekamera jedel basqarý ortalyǵy júıesine qosylǵan atap ótti.

«Sondaı-aq mektepterde kirý júıesi retke keltirildi. Arnaıy týrnıketter de bar», – dedi Almatynyń bas polıtseıi.