Almaty mektepterinde 193 kezekshi synyp ashylady
«Jańa oqý jylyna barlyq daıyndyq jumystary aıaqtaldy. Mektepter daıyn. Almatyda 193 kezekshi top ashylady. Birinshi synyptar – 133, qalǵany - ekinshi synyp oqýshylary úshin. Ár synypta 15 baladan oqıdy. Sabaq 40 mınýtqa sozylady «, - dedi qala ákimi Baqytjan Saǵyntaev.
Baqytjan Saǵyntaev kezekshi toptardaǵy balalardyń qaýipsizdigi erekshe nazarda bolatynyn atap ótti.
«Oqýshy partalarynyń arasy 1 shaqyrym qashyqtyqta, parta men oryndyq ár balaǵa jeke bekitilgen. Ár sabaq ótken saıyn synyptar ishi jeldetiledi jáne kvarts júrgiziledi, oqýshylar men muǵalimder qolyn jýyp, antıseptık qoldanady. Mektepterde medıtsınalyq kabınetter jáne mektep ınspektorlary turaqty jumys isteıdi. Qalanyń barlyq mektepteri týnnel, sanıtaızer, teplovızor, aıaqkıim kilemshesi sııaqty dezınfektsııalyq jáne sanıtarlyq qaýipsizdik zattarymen qajetti kólemde qamtamasyz etilgen»,– dedi qala basshysy.
Onyń aıtýynsha, qashyqtan oqytý úshin 75 myńnan astam oqýshy men 2 myń muǵalim kompıýterlik tehnıkamen qamtamasyz etiledi.
«Internet jelisine muqtaj 22 myńnan astam oqýshy uıaly málimetteri bar SIM-kartalarmen qamtamasyz etildi. Sonymen birge, ınterneti joq muǵalimderge mektepterde qajetti sanıtarlyq sharalardy qamtamasyz ete otyryp, onlaın-sabaqtar ótkizýge múmkindik beriledi»,– dep tolyqtyrdy Baqytjan Saǵyntaev.