Almaty mektepterinde 17 adam jumystan shyǵaryldy
ALMATY. QazAqparat - Almatyda medıtsına mamandary 242 mektepte jospardan tys tekseris júrgizdi, dep habarlaıdy QazAqparat tilshisi.
«Barlyq mektepte jospardan tys tekseris júrgizildi. Sanıtarlyq-gıgıenalyq erejeler buzylǵan. Ol boıynsha 131 aıyppul salyndy. Kóbinese, mektepterde balanyń kóptigi, sanıtarlyq-gıgıenalyq quraldardyń istemeıtindigi, edenderdiń aqaýy úshin aıyppul salyndy. Qyzmetkerlerdiń medıtsınalyq qaraý týraly anyqtamasy joq bolǵan», - dedi qalalyq Qoǵamdyq densaýlyqty saqtaý departamentiniń basshysy Aızat Moldaqasymova.
Onyń aıtýynsha, Alataý aýdanynyń № 41, 181, 178 mektebinen 17 qyzmetker qyzmetinen qýyldy. Olardyń barlyǵynda medıtsınalyq tekserý týraly anyqtama bolmaǵan.
Sondaı-aq, mektepterdiń tamaqtaný kestesi men azyq-túlik sapasy kóńil kónshitpegen.
«Almaly, Áýezov aýdandaryndaǵy mektepter men baqshalarda tamaq synamalary standartqa saı emes bolǵany anyqtaldy. Olardyń qatarynda Almaly aýdanynda - «Aqbóbek», QazATISO, Abaı atyndaǵy KazUPÝ, Áýezov aýdanyndaǵy - №36, 50, 55 balabaqshalar, «Karamelka» baqshasy, №4 mektep ınternaty bar», - dedi departament basshysy.
