Almaty mektepteri qashyqtan oqytýǵa daıyn - bilim basqarmasy
ALMATY. QazAqparat – Almaty mektepteri qashyqtan oqytýǵa daıyn. Bul týraly Almaty qalalyq bilim basqarmasynyń basshysy Lázzat Jylqybaeva onlaın brıfıng barysynda aıtty, dep habarlaıdy QazAqparat tilshisi.
«Búgingi kúni 75 myńnan astam oqýshy men 2 myńnan astam muǵalimdi kompıýtermen qamtamasyz etý kerek bolatyn. Bul máseleni sheshý úshin mektepter jan basyna qarjylandyrý esebinen 9 120 noýtbýkpen qamtamasyz etiledi. Jergilikti bıýdjet esebinen 11 042, Úkimettiń rezerv qory esebinen 38 591 kompıýter tehnıkasy alyndy. Onyń ishinde 4 016 kompıýter, 5 203 planshet jáne 29 372 noýtbýk bar. 22 212 planshet jergilikti bıýdjet esebinen alyndy», - dep atap ótti Lázzat Jylqybaeva.
Sonymen qatar, mektepterdegi 10 myń kompıýter ýaqytsha paıdanýǵa beriledi. Jan basyna qarjylandyrý esebinen satyp alynǵan 9 myń noýtbýk muqtaj oqýshylarǵa taratyldy.
«22 myńnan astam oqýshyǵa SIM karta satyp alynady. Qazirgi ýaqytta SIM karta men roýterlardy taratyp jatyrmyz. Sonymen qatar, ınternetke qol jetkize almaıtyn muǵalimderge mektepte onlaın sabaq ótkizýge múmkindik beriledi. Jalpy bilim mekemeleri qashyqtan oqytýǵa daıyn», - dep qorytyndylady Lázzat Jylqybaeva.
