Almaty mektepteri qashan dástúrli oqý formatyna kóshedi
ALMATY. QazAqparat - Almaty mektepteri qashan dástúrli oqytý formatyna kóshetini belgili boldy, dep habarlaıdy QazAqparat tilshisi.
Onlaın brıfıng barysynda qalalyq Bilim berý basqarmasy basshysynyń orynbasary Qaırat Jumanov bul protsess kezeń- kezeńimen júzege asatynyn aıtty.
«Birinshi kezeńde barlyq sanıtarlyq sharalardy qatań saqtaı otyra shtattyq rejım boıynsha 1-4 klass oqýshylary mektepke oralady. Ekinshi kezeńde 5-11 klass oqýshylary barady», - dedi Qaırat Jumanov.
Onyń aıtýynsha, bul másele qalalyq Taýarlar men qyzmetterdiń sapasy men qaýipsizdigin baqylaý departamentimen birige otyryp qarastyrylady.
Qazir qalada 271 myńnan astam oqýshy 207 memlekettik mektepte oqıdy. 16 myńnan astam oqýshy 66 jeke menshik mektepte bilim alyp jatyr.
