Almaty mektepteri qanshalyqty qaýipsiz
Búgingi tańda qalada 205 mektep bar. Onda 265 010 oqýshy oqıdy. Al, bilim oshaǵynyń tártibi men qaýipsizdigin 172 mektep ınspektory qadaǵalaıdy.
«Ár mektepte orta eseppen 8 kameradan bar. Keıbir mektepter ózderi ornatady. Olar kóbine ǵımarattyń kireberisine ornatady. Árıne, ár mektep úshin 8 kamera az. Jalpy, bilim mekemelerinde 2858 kamera ornatylǵan. Qosymsha taǵy 5000 kamera qajet», - deıdi qalalyq ıývenaldy polıtsııa ókili.
Sonymen qatar, jıynda mektep ınspektorlarynyń jetkiliksizdigi sóz boldy.
« Mektep ınspektorlary óz jumystaryna jaýapkershilikpen qaraıdy. Sondaı-aq, qalalyq polıtsııa bilim basqarmasymen birge únemi quqyqtyq túsindirý jumystaryn júrgizedi», - deıdi polıtsııa qyzmetkerleri.
Óz kezeginde, Almaty qalalyq bilim basqarmasy keleshekte kamera sanyn artyratyndaryn jetkizdi. Munyń bári bir joba aıasynda uıymdastyrylatyn bolady. Ol órt dabyly júıesin jańartýǵa da múmkindik beredi. Bul jobaǵa shamamen 5 mlrd teńge qajet.